MUSIC : Sabuwar Wakar Babban Chinedu - Masu Gudu Ku Tsaya

Sabuwar wakar babban chinedu mai suna "masu gudu su  tsaya" Wanda yayi bayyan mawaki rarara yayi mai suna "masu gudu su gudu" to shine shima wannan mawakin mai suna "masu gudu su tsaya" domin cewa a karbi dukiyar al'umma ga re su a cikin wakar dai ya cacaki barayin nigeria. 

Download Audio here

kannywood: Sharhi A Kan Film Din "KORARRIYA

Suna: Korarriya
Tsara labari: Auwal M Sarki
Furodusa: Muhammadu Mia
Bada umarni: Ali Gumzak
Kamfani: Mia Enterprises
Jarumai: Aminu Sharif Momo, Fati Shu’uma, Sadiya Kabala, Hadiza Muh’d, Malam Inuwa, Nasir Naba, Malam Haruna, Baba Saugiji, Sayyid Ali Muh’d da Rahma MK .

SharhiN: Saddika Habib Abba
A farkon fim din an nuna Yahaya(Al’amin Buhari) yana korar ‘yarsa Fa’iza (Sadiya Kabala) daga gidansa sakamakon dakko masa abin kunya da ta yi a ranar daurin aurenta aka zo da hoton bidiyo na lalata da ta yi hakan tasa ya yi fushin zuciya yaki saurarar duk wasu masu bashi hakuri hatta mahaifiyar Fa’izar Talatu(Hadiza Muh’d)
A lokacin Fa’iza ta saka kafa ta shiga duniya sakamon korarta da mahaifinta ya yi, ta fara da shiga garin Zariya gurin wata shaharrariyar karuwa Zee Ta Kowa(Fati Shu’uma) domin ta kara bunkasa kwarewarta a bariki zaman su da Zee Ta Kowa yaki da di sakamakon ita Fa’iza tsayyayiyar yarinya ce kuma mara kunya tana ji da kanta domin babu wanda ya isa ya lankwasa ta kuma ta yi masa biyyaya saboda ita asali ba karuwa bace kaddarace ta fito da ita. ita kuma Zee Ta Kowa tunda shugaba ce a wajen dole kowa ya yi mata biyyaya sakamakon kin wannan biyyaya da Fa’iza ta yi mata ta sanya suka rabu baran baran Fa’iza ta kama gabanta daga nan ta tafi ta hadu da wani shaharran dan duniya mai suna Dan Agulla(Aminu Sharif Momo) suka ta fi suka bar Zariya suka wuce Kaduna suka fara sheka ayarsu, Dan Agulla direban mota ne yana da uban gida wanda suke gudanarda harkokinsu tare mai suna Alh.

Maina wanda shi wannan Alhajin shine ya fara lalata rayuwar Fa’iza a baya sakamakon sunje gurinsa ita da kawarta domin ya basu hayar hall din bikin Fa’izar da za’ayi domin sun gayyaci kawayensu basa son suji kunya shi wannan Alhaji Maina ya yanka musu kudi mai tsada wanda za su kasa biya, ta hanyar daya samu dama ya bullowa da Fa’iza bukatarsa kenan ta fasinkanci da sharadin cewar idan ta amince zai bata hall din kyauta Fa’iza ta ki Amincewa a lokacin wata kwararriyar karuwa kawar Fa’iza mai suna Bintu

(Hafsat Idris) ta tursa sa Fa’iza ta ribace ta har ta amincewa Alh.Maina domin gudun kada suji kunya shine hotan bidiyon da aka kawo gidansu ranar daurin auren amma kafin haka Fa’iza kamilalliyar yarinya ce, bayan Fa’iza sun hadu da Dan Agulla ranar da ta fara ganin Alh. Maina a matsayin shine uban gidan Dan Agulla abinda ya faru a baya ta fara tunawa irin ta’asar da ya yi mata a baya.

A bangaren gidansu Fa’iza kuma mahaifinta ya yi nadamar korar Fa’iza daga gida da ya yi kuma mahaifiyarta ta dame shi da kuka da damuwa sannan ga mahaifinsa ya yi fushi da shi kuma ya kafa masa sharadin cewar lallai duk in da jikarsa ta ke yaje ya nemo ta hakan tasa mahaifin Fa’iza ya bazama yawon nemanta gari gari duk inda yaje baya samunta sakamakon tana can Kaduna tare da Dan Agulla suna sheka ayarsu domin Fa’iza ta sha alwashin tunda mahaifinta bai ga kaddarar data fadamata ba ya kore ta to ita kuma sai ta dakko masa abun kunyar da ya fi na da wato dan shege.

A bangaren kawar Fa’iza Bintu kuma sun kulle da Alh.Maina domin dama tun tuni ita karuwace bakin cikinta ma shine ya yi sanadin rasuwar mahaifiyarta a karshe har suka sakawa juna cutar kanjamau kowannensu ya gane kuskurensa, ita kuma Fa’iza burinta ya cika ta yi ciki ta haihu a lokacin ta koma gida ta kaiwa mahaifinta dan shege hankalinsa ya yi matukar ta shi kuma ya yi nadamar korar Fa’iza da ya yi a baya itama Fa’izar ta yi nadamar abinda ta aikata.

Abubuwan Birgewa:
1- Jaruman sun yi kokari sosai gurin isar da sakon musamman Fa’iza da Dan Agulla.

2- An yi amfani da kayan aiki masu kyau kamar camera ta daukar hoto da kuma Abin daukar sauti da gida je da suka dace da labarin.

3- Anyi amfani da salo na harshe masu kayatarwa sannan da kwarewa gurin furtasu wato (dialogue).
Kurakurai :

1- Yakamata a nunawa mai kallo mijin da Fa’iza zata aura aka fasa.

2- Yakamata a nuna makomar Dan Agulla mara kyau saboda irin barnar da ya tata saboda darasi.

3- An nuna Fa’iza kamillaliyar yarinyace a farkon fim din mai kuma ya hada su kawance da Bintu karuwa? kuma har a gidansu aka bari duk da sun san ‘yarsu mai tarbiyyace?

4- Farkon haduwar Fa’iza da Dan Agulla lokacin da ya dauketa suka tafi tare lokacin dare ne daga nan suka sauka a garin da za su je da safe maikallo bai ga Fa’iza da jakar kaya ba kuma a wannan karamin lokacin ba’aga sun tsaya sun siya ba amma sai ga shi da suka sauka a garin da za su je da safe an ga Fa’iza ta canja kaya shin a ina ta samu?

5- Duk rashin mutuncin mutum mahaifiya ba wasa bace babu yanda za’ayi mutum ya shigo gida ya tarar mahaifiyarsa ana kurma ihun ta mutu amma ya nuna halin ko in kula kuma yana cikin hayyacinsa kamar yanda Bintu ta yi a fim din sam hakan a gaske abune wanda bazai faru ba.

6- Shin babban Mutum kamar Alh.Maina ba shida iyali ne? yakamata ace an rarrabewa mai kallo ko da a baki ne.

7- A lokacin da mahaifin Fa’iza yana nemanta har suka hadu a wani waje shi da ita ta saka nikaf ta rufe fuskarta kallon da ya yi mata ido cikin ido babu yanda za’ayi ace bai gane ta ba.

8- A gurinda Fa’iza taje ta sami Bintu a yashe tana jinya domin ta mayar mata da martani sai aka ji Bintu ta nunawa Fa’iza cewar tasan jiya ta dawo shin ta yaya Bintu ta san cewar Fa’iza ta dawo jiya? ita da take a kango a yashe tana jinya?

9- Acikin fim din yakamata idan an dauki tsahon wani lokaci wani abun ya faru a rubuta mai kallo ya gani bayan kazaa saboda tabbacin cewar abun zai faru a wannan tsahon lokacin misali kamar daukar cikin Fa’iza da haihuwarta an nuna su a lokaci kan kani.

10- Yakamata anunawa mai kallo sanadin daya sa asirin su Fa’iza ya tonu har aka kawo hoton bidiyo dinta ranar daurin aurenta sannan a nuna wanene ya kawo.
Karkarewa:

Fim din ya yi kyau sannan akwai darasi amma wasu kalamai da akayi amfani da su sun yi tsauri dayawa ya kamata a sakaya yanda kowa zai iya kalla hatta kananan yara saboda an bude abubuwa ko don saboda tarbiyyar kananan yara.

Shugaban Majalisar Dattawa zai kalubalanci Buhari a zaben 2019

Akwai jita-jitar cewa Saraki zai yi takara da Shugaba Buhari a 2019

- Sai dai wasu na ganin aikin wasu makiya ne kurum a Jam’iyyar APC

- Har yanzu dai Shugaban Majalisar bai tabbatar da wannan magana ba

Mun samu labari cewa Shugaban Majalisar Dattawa Bukola Saraki yana shirin tsayawa takarar Shugaban kasa a zabe mai zuwa na 2019. Sai dai wasu sun ce an fara yada labari ne kurum domin a hura wutar rikicin Jam’iyyar APC.

Jaridar Boss ta fara rahoto cewa Bukola Saraki zai nemi takara a 2019 sai kuma ga shi an ji Shugaban gidan Jaridar Ovation watau Dele Momodu yana kiran jama’a su marawa Shugaban Majalisar kasar baya a zabe mai zuwa domin yace ya cancanta.

Sai dai wata Majiya daga Jaridar This Day tace an fara yada wannan jita-jita ne domin a hada rikici a Jam’iyyar yayin da maganar kujerar Shugaban APC na kasa John Oyegun take cigaba da rawa amma babu gaskiya a maganar takarar Saraki.

Tsohon Gwamnan Jihar Kwara Bukola Saraki ya nemi takarar Shugaban kasa tun ba yau ba, kuma ko a zaben da ya wuce yayi kokarin tsayawa takarar kafin ya yanke shawarar komawa Majalusa. Har yanzu dai Saraki bai ce komai ba game da maganar.

Taƙaitaccen Tarihin Ladidi Tubless

A duk lokacin da aka dauko batun aure, wasu da yawa kan yi wa ‘yan fim gani-gani. To amma a wannan karon magana ta kare, domin jarumar da muka tattauna da ita a wannan makon ta ce rashin sani ne ke sa mutane kyamatar auren ‘yan fim.
Idan mutum ya fahimci lamarin kuwa, zai fi wadanda ke auren wadanda ba ‘yan fim ba jin dadin zaman aure, ko me ya sa? Sammam Masu karatu ko kun san shahararriyar jaurmar wasan kwaikwayon ta taba yunkurin shiga aikin soja kafin ta fara wasa? A karanta firar duka a ji:
Taurarin Nishadi

Muna so mu ji cikakken tarihin rayuwarki
Ni dai sunana Ladidi Abdullahi An fi sani na da suna Tubeeless. An haife ni a Kaduna a wata unguwa da ake kira Sabon Gari Nassarawa, wato dirkania ke nan. Na yi Furamare wato a Nassarawa na kuma je makaratar gaba da Furamare.duk a Kaduna wato, ina gama sakandare aka yi min auren fari sai Allah bai yi zamana da mijin ba, sai muka rabu.

Daga nan sai na ji ina son yin aikin kaki, na je na sayi ‘form’ din aikin soja na ruwa na cika na ba da aka kira mu, na je duk abubuwan da ake yi na yi daga, baya ban sake bin ta kan shi kuma ba saboda oda wasu dalillai.
Yaushe kika fara fim din Hausa, da wane fim kika fara, kuma Me ya jawo ra’ayinki kika shiga?
Wata rana sai Rabi’u Rikadawa ya zo gida ya same ni ya ce min, ki zo mu je ki yi aikin fim, shi da Obina. Na ce musu ku je zan zo,

Amma sai na ki zuwa na neme su. Sai muka hadu da Zainab Abubakar muna hira ta ce min, ki zo mu yi aikin fim mana. Na ce mata zan bi ki. Ta ce, min, duk ran da za ta yi aikin za ta kira ni mu je mu yi tare. Na ce mata ba damuwa. kuma kafin nan, muna Hausa ‘drama’ a makaranta dama. Ran da Alfa ‘care’ zai yi wani fim sai ta ce na zo mu je. Na ce mata to, muka je muka gana, sai shi ya tambaya da ma ina fim ne? Saboda ya ga ba na kuskure. Daga nan sai na muka cigaba da zuwa N TA. Oganmu George ya ce,, na iya ‘drama’ ana ta sani. Daga nan kuma ’yan Kano suka zo Kaduna za su yi wani flm sai aka kira ni. Kafin nan mun yi wani flm wanda Rabi’u Koli ya sa Wada Rikadawa ya kira na yi, sai na ciga da aiki sai aka cigaba da kira na ina yi, shi ne. Sai dai na manta shekarar gaskiya. Nasiru Gwagwazo zai yi wani fim Balarabe da Balarabe dila ya kira ina Abuja ya ce na je Kaduna za mu yi wani fim. Shi ma Nasiru Gwagwazo ya kira ni, na ce musu ina zuwa nako zo muka yi.
Fim din da na fara na Turanci ne, shi ne na Alfa ‘care’.
Yaya kike kallon rayuwar mace a fim ‘industry’ yandu?
Gaskiya tun daga Alfa ‘care’ na zo NTA .rayuwar mace a harka fim gaskiya tana fuskantar kalubale sosai.

Mafi yawan lokaci sai a ce ba za a aure ki ba saboda ’yar fim ce, amma kuma rashin sani ne yake kawo haka. Babu mace mai dadin aure da kuma dadin zama irin ’yar fim. Rayuwar mace a fim ‘industry sai dai na ce kalilan ne saboda za ta yi aure komai girmanka kuma komai tashenta wannan shi ne.
A matsayin ki ta tsohuwar ’yar fim, wace shawara za ki bai wa yara masu tasowa yanzu a harkar?
Shawara ta gare su shi ne su yi karatu, saboda na ga gaba abubuwa za su canje wanda zai kai lokaci da sai kana da karatu za ka yi shi kansa fim din ma. In ba ka da karatu wallahi ka zama ‘sorry’. Ita ce kawai shawarata gare su.
Shin Ko Kina da yara da miji kuwa? In da yaran su nawa ne kuma ta yaya kike hada dawainiyar aikinki da hidimar iyali?
Hmmmm! Ba ni da yara, amma insha Allahu zan yi aure kuma zan haihu, amma yanzu kam ba ni da ko daya.

Ko Kina da sha’awar ‘directing’ ko ‘producing’ fim na kanki nan gaba?
Na yi ‘producing’ har sau 5, amma ban ji dadi ba, a gaskiya, saboda haka na bari na hakura na koma ‘acting’ dina kawai.
A karshe shin bayan fim kina wani sana’ar ne ko Aikin ofis?
Baya ga fim ba na wani aiki .amma ina yin aure zan nemi aiki, saboda mijin da zan aure ba zai bari na yi fim, ba. Zan kakkabe kwalina na nami aikin ofis, tun da ina da kwali kuma don haka ne na yi karatun.
Mun gode sosai da hadin kan da kika ba mu, Allah ya taimaka
Ni ma na gode da kika ba ni lokaci na amsa sa tambayoyin. Na gode Allah ya raya zuriya.
©Leadership

Yadda Nake Hada Aikin Lauya Da Sana'ar fim - Jaruma Asabe Madaki

ASABE Madaki, jarumar fim din ‘There is a Way’ da kuma sabon fim din ‘Sarauniya’, ta bada shawarar cewa ya kamata mu yi finafinai da Turanci don mu bada labarin al’adar mu da kan mu. Haka kuma ta fadi yadda a matsayin ta na lauya ta maida hankalin ta ga fitowa a finafinai.

Asabe kwararriyar lauya ce wadda ta ke da matsayin digiri na biyu kuma a yanzu ta na koyarwa ne a bangaren karatun aikin lauya din. Sai dai duk da matakin da ta kai na karatu da aiki a halin yanzu ta samu kan ta a cikin harkar fim, har ma ta fita a finafinai masu dama a Kannywood. Kwanan baya, wakilin mu ya hadu da Asabe a wajen daukar wani fim na Turanci mai suna ‘This is the Way’. Fim din ya na cikin jerin finafinai na Turanci da Kabiru Musa Jammaje ya ke shiryawa.

A hirar su da wakilin mu, Asabe Madaki ta fada masa cewa ita dai haifaffiyar Jihar Kaduna ce, kuma ’yar asalin Karamar Hukumar Jema’a. Ta yi karatun firamare a Command Children’s School da ke Kaduna, sannan a shekarar 2000 ta kammala karatun sakandare a Kwalejin ’Yanmata ta Gwamnatin Tarayya (FGC) da ke Gusau.

Asabe ta yi karatun digiri a Jami’ar Ahmadu Bello (ABU) da ke Zariya daga shekarar 2002-2007 inda ta karanta aikin Shari’a (Law). Daga nan ta yi makarantar koyon aikin Shari’a, wato Law School, da ke Abuja. Sannan ta yi hidimar kasa a nan Abuja.
Don zurfafa ilimin ta, sai jarumar ta yi karatun digiri na biyu a kwas din aikin lauya a kasar Scotland.

“Bayan na dawo kuma ina yin lakca ta rabin lokaci, kuma a yanzu na samu kai na a cikin harkar finafinai, musamman namu na Arewa da ake kira da Kannywood,” inji ta.

To, ko me ya ja hankalin Asabe Madaki zuwa shiga harkar fim, musamman idan aka yi la’akari da karatun ta na aikin lauya? Sai ta amsa da cewa: “Gaskiya mutane za su kalli haka, amma dai ko lokacin da na kammala digiri na na biyu a Scotland na dawo gida, na taba aikin lauya, amma a gaskiya tun lokacin da na ke makaranta ma hankali na ya fi karkata ga masana’antar nishadi, don haka daga baya na shiga harkar fim gadan-gadan.
“Koda yake zan iya cewa tun ina makarantar firamare ina cikin kungiyar dirama da kade-kade da kuma wake-wake. Don haka zan iya cewa abin kamar a jini na ya ke; tun ina karama na ke burin na zama ’yar fim.”

Asabe na da wata ka’ida, wadda ta sa ba a ganin ta a finafinai barkatai. A cewar ta, “Ba kowanne fim na ke yi ba, sai wanda na ga ya na da ma’ana kuma ya ke kunshe da sakon da zai isar ga masu kallon sa. Don haka ba wai don ina son na yi fim ba sai kawai na fito a cikin kowanne irin fim. Don haka a yanzu finafinan da na yi wadanda su ka hada da na Turanci da Hausa su ne ‘Sarauniya’ da kuma ‘Gwaska’, na Turanci kuma sun hada da ‘Laraba’s World’, da ‘Queen Amina’ da ‘Make Room’ da ‘Light and Darkness’, sai kuma wanda ka same ni a yanzu ina yi, ‘This is the Way’ na kamfanin Jammaje Production.”

Da mu ka tambaye ta idan ta samu matsala da ta shigo harkar fim, sai Asabe ta ce, “E to, ba zan iya cewa ban fuskanci matsala ba. Matsalar dai da na samu ita ce a fim din Hausa kasancewar ni ba cikakkiyar Bahaushiya ba ce, don haka wasu kalmomi na Hausa su na yi min tsauri sosai wajen furta su. Duk da cewar zan iya rubutawa da kuma karantawa, amma dai wajen furtawa wadansu za su gane ni ba cikakkiyar Bahaushiya ba ce sai dai a yanzu ina kokarin ganin Hausar ta tsaya a baki na, kasancewar ina da burin bayar da gudunmuwa ta ta hanyar finafinan Hausa.”

Kowane mutum ya na da buri da ya ke so ya cimmawa. Ita ma Asabe na da nata a matsayin ta na jarumar fim. Cewa ta yi: “Buri na dai shi ne in taimaka wa al'umma ta ta hanyar finafinai masu ma'ana, kuma ina so na zama fitacciyar jaruma a duniya. Ina da burin na mallaki kamfanin da zai rinka shirya finafinai ya na fitar da su, kuma ina so na rinka taimaka wa mutanen da su ke shiga harkar fim.”
Wato dai watakila nan gaba a samu wata Lupita Nyong’o kenan daga arewacin Nijeriya; kamar yadda jarumar ’yar kasar Kenya ta bulla daga Afrika ta yi fice a duniya, haka Asabe Madaki ke so ita ma ta yi kenan. To Allah ba ta sa’a, amin.
To me za ta ce kan yadda wasu mutane su ke kallon ’yan fim din Hausa a matsayin masu bata tarbiyya? Lokacin da ta yanke shawarar shigowa cikin harkar fim ta samu kalubale a gidan su sakamakon wannan ganin da ake yi wa ’yan fim?

Amsar Asabe: “Zan iya cewa na samu, domin kuw matsalar farko da na samu a wajen mahaifi na na samu, inda ya ke ganin shi dai na tsaya na kammala karatu na domin ko lokacin da ina jami’a akwai wasu kamfanoni da su ka nemi na yi musu aiki, amma a gida sai iyaye na su ka hana ni don su na ganin hakan zai iya shafar karatu na. Amma da na kammala sai ya zama su na ba ni kwarin gwiwa wajen aikin da na ke yi na fim.”
Abin da ya fi bada mamaki game da Asabe shi ne kasancewar ta jarumar finafinan Hausa da na Turanci. Ko yaya ta ke kallon kan ta a haka?

“To abu ne mai sauki, musamman ma a matsayi na na wadda na ke so na bayar da tawa gudunmuwar domin ci-gaban yanki na na Arewa ta hanyar finafinai,” inji jarumar.
Fim din ‘This is the Way’ aikin sa na Hausa ne, amma da Turanci ake yin sa. Yaya ’yar was an za ta kwatanta shi da sauran finafinan da ta yi? Sai ta ce: “To gaskiya wannan fim din fim ne da ya fita da wasu muhimman darusa a cikin sa wanda mutane ba su san su ba. Idan na ce ba a san su ba, ina nufin wadanda za su kalle shi da kuma yaren da aka yi shi. Ka ga shi labarin al'adar Hausa ne da mutanen Arewa, sai aka yi fim din da harshen Turanci. To ko ka ga ba Hausawa ba ne za su kalle shi, wasu al'umma ne da ba su san al'adar Hausa da mutanen Arewa ba za su gani. To ka ga wannan zai isar da sakon al'adar mu zuwa wata kasa da ba su san mu ba. Za su ga al'adun mu masu kyau da irin yadda mu ke gudanar da rayuwar mu. Don haka shi wannan fim din 'This is the Way' zai samar da fahimtar juna ga sauran al'umar mu da su ke ganin kamar ba mu waye ba ko ba mu iya Turanci ba. Yanzu idan ka duba fim din ‘There is a Way’, wanda shi ma an fitar da shi ya shiga kasuwa, ya bayar da ma’ana sosai wanda ina ganin hakan ce ta sa shi Kabiru Musa Jammaje ya samu karfin gwiwar da ya kara fito da fim din ‘Light and Darkness’ da kuma wannan da ake yi a yanzu, ‘This is the Way’.

Me ya fi burge jarumar a cikin harkar fim?
Asabe: “To abin da ya fi burge ni shi ne na ga an yi fim mai ma’ana da kuma isar da sako. Shi ya sa ma na ke jinjina wa Kabiru Musa Jammaje da kuma kamfanin sa, Jammaje Production, da ya ke fitar da finafinai na Hausa amma da yaren Turanci, domin kuwa wadannan finafinai da wadanda zai fito da su nan gaba su ne za su cike gibin da ya ke tsakanin Nollywood da Kannywood, domin ana ganin kama Turanci ne bambancin mu, to ga shi mu ma mu na yin, don haka duk wanda ya ke ganin Hausa kawai mu ka iya a Kannywood to a yanzu an san mu na yin na Turanci. Kuma finafinan mu za su shiga duniya a rinka ganin al’adun mu na Arewa ta hanyar wadannan finafinai, ‘There is a Way’, ‘Light and Darkness’ da kuma ‘This is the Way’.

Daga karshe, Asabe Madaki ta kira na musamman ga kamfanoni da ke shirya fim a nan Arewa, inda ta ce: “Su yi koyi da wannan furodusa, Kabiru Musa Jammaje, wajen shirya fim mai dauke da al’adun mutanen Arewa kuma da harshen Turanci, don ta haka ne za a rinka sanin al’adun mu da kuma yadda mu ke gudanar da rayuwar mu ba tare da wasu su na bada labarin mu ba yadda mu ke ba.”
©mujallarFim

Sharhin Fina Finai : Sharhin Fim Din Korarriya

Suna: Korarriya

Tsara labari: Auwal M Sarki

Furodusa: Muhammadu Mia

Bada umarni: Ali Gumzak

Kamfani: Mia Enterprises

Jarumai: Aminu Sharif Momo, Fati Shu’uma, Sadiya Kabala, Hadiza Muh’d, Malam Inuwa, Nasir Naba, Malam Haruna, Baba Saugiji, Sayyid Ali Muh’d da Rahma MK .
SharhiN: Saddika Habib Abba

A farkon fim din an nuna Yahaya(Al’amin Buhari) yana korar ‘yarsa Fa’iza (Sadiya Kabala) daga gidansa sakamakon dakko masa abin kunya da ta yi a ranar daurin aurenta aka zo da hoton bidiyo na lalata da ta yi hakan tasa ya yi fushin zuciya yaki saurarar duk wasu masu bashi hakuri hatta mahaifiyar Fa’izar Talatu(Hadiza Muh’d)
A lokacin Fa’iza ta saka kafa ta shiga duniya sakamon korarta da mahaifinta ya yi, ta fara da shiga garin Zariya gurin wata shaharrariyar karuwa Zee Ta Kowa(Fati Shu’uma) domin ta kara bunkasa kwarewarta a bariki zaman su da Zee Ta Kowa yaki da di sakamakon ita Fa’iza tsayyayiyar yarinya ce kuma mara kunya tana ji da kanta domin babu wanda ya isa ya lankwasa ta kuma ta yi masa biyyaya saboda ita asali ba karuwa bace kaddarace ta fito da ita. ita kuma Zee Ta Kowa tunda shugaba ce a wajen dole kowa ya yi mata biyyaya sakamakon kin wannan biyyaya da Fa’iza ta yi mata ta sanya suka rabu baran baran Fa’iza ta kama gabanta daga nan ta tafi ta hadu da wani shaharran dan duniya mai suna Dan Agulla(Aminu Sharif Momo) suka ta fi suka bar Zariya suka wuce Kaduna suka fara sheka ayarsu, Dan Agulla direban mota ne yana da uban gida wanda suke gudanarda harkokinsu tare mai suna Alh. Maina wanda shi wannan Alhajin shine ya fara lalata rayuwar Fa’iza a baya sakamakon sunje gurinsa ita da kawarta domin ya basu hayar hall din bikin Fa’izar da za’ayi domin sun gayyaci kawayensu basa son suji kunya shi wannan Alhaji Maina ya yanka musu kudi mai tsada wanda za su kasa biya, ta hanyar daya samu dama ya bullowa da Fa’iza bukatarsa kenan ta fasinkanci da sharadin cewar idan ta amince zai bata hall din kyauta Fa’iza ta ki Amincewa a lokacin wata kwararriyar karuwa kawar Fa’iza mai suna Bintu (Hafsat Idris) ta tursa sa Fa’iza ta ribace ta har ta amincewa Alh.Maina domin gudun kada suji kunya shine hotan bidiyon da aka kawo gidansu ranar daurin auren amma kafin haka Fa’iza kamilalliyar yarinya ce, bayan Fa’iza sun hadu da Dan Agulla ranar da ta fara ganin Alh. Maina a matsayin shine uban gidan Dan Agulla abinda ya faru a baya ta fara tunawa irin ta’asar da ya yi mata a baya.

A bangaren gidansu Fa’iza kuma mahaifinta ya yi nadamar korar Fa’iza daga gida da ya yi kuma mahaifiyarta ta dame shi da kuka da damuwa sannan ga mahaifinsa ya yi fushi da shi kuma ya kafa masa sharadin cewar lallai duk in da jikarsa ta ke yaje ya nemo ta hakan tasa mahaifin Fa’iza ya bazama yawon nemanta gari gari duk inda yaje baya samunta sakamakon tana can Kaduna tare da Dan Agulla suna sheka ayarsu domin Fa’iza ta sha alwashin tunda mahaifinta bai ga kaddarar data fadamata ba ya kore ta to ita kuma sai ta dakko masa abun kunyar da ya fi na da wato dan shege.

A bangaren kawar Fa’iza Bintu kuma sun kulle da Alh.Maina domin dama tun tuni ita karuwace bakin cikinta ma shine ya yi sanadin rasuwar mahaifiyarta a karshe har suka sakawa juna cutar kanjamau kowannensu ya gane kuskurensa, ita kuma Fa’iza burinta ya cika ta yi ciki ta haihu a lokacin ta koma gida ta kaiwa mahaifinta dan shege hankalinsa ya yi matukar ta shi kuma ya yi nadamar korar Fa’iza da ya yi a baya itama Fa’izar ta yi nadamar abinda ta aikata.

Abubuwan Birgewa:

1- Jaruman sun yi kokari sosai gurin isar da sakon musamman Fa’iza da Dan Agulla.
2- An yi amfani da kayan aiki masu kyau kamar camera ta daukar hoto da kuma Abin daukar sauti da gida je da suka dace da labarin.
3- Anyi amfani da salo na harshe masu kayatarwa sannan da kwarewa gurin furtasu wato (dialogue).

Kurakurai :

1- Yakamata a nunawa mai kallo mijin da Fa’iza zata aura aka fasa.
2- Yakamata a nuna makomar Dan Agulla mara kyau saboda irin barnar da ya tata saboda darasi.
3- An nuna Fa’iza kamillaliyar yarinyace a farkon fim din mai kuma ya hada su kawance da Bintu karuwa? kuma har a gidansu aka bari duk da sun san ‘yarsu mai tarbiyyace?
4- Farkon haduwar Fa’iza da Dan Agulla lokacin da ya dauketa suka tafi tare lokacin dare ne daga nan suka sauka a garin da za su je da safe maikallo bai ga Fa’iza da jakar kaya ba kuma a wannan karamin lokacin ba’aga sun tsaya sun siya ba amma sai ga shi da suka sauka a garin da za su je da safe an ga Fa’iza ta canja kaya shin a ina ta samu?
5- Duk rashin mutuncin mutum mahaifiya ba wasa bace babu yanda za’ayi mutum ya shigo gida ya tarar mahaifiyarsa ana kurma ihun ta mutu amma ya nuna halin ko in kula kuma yana cikin hayyacinsa kamar yanda Bintu ta yi a fim din sam hakan a gaske abune wanda bazai faru ba.
6- Shin babban Mutum kamar Alh.Maina ba shida iyali ne? yakamata ace an rarrabewa mai kallo ko da a baki ne.
7- A lokacin da mahaifin Fa’iza yana nemanta har suka hadu a wani waje shi da ita ta saka nikaf ta rufe fuskarta kallon da ya yi mata ido cikin ido babu yanda za’ayi ace bai gane ta ba.
8- A gurinda Fa’iza taje ta sami Bintu a yashe tana jinya domin ta mayar mata da martani sai aka ji Bintu ta nunawa Fa’iza cewar tasan jiya ta dawo shin ta yaya Bintu ta san cewar Fa’iza ta dawo jiya? ita da take a kango a yashe tana jinya?
9- Acikin fim din yakamata idan an dauki tsahon wani lokaci wani abun ya faru a rubuta mai kallo ya gani bayan kazaa saboda tabbacin cewar abun zai faru a wannan tsahon lokacin misali kamar daukar cikin Fa’iza da haihuwarta an nuna su a lokaci kan kani.
10- Yakamata anunawa mai kallo sanadin daya sa asirin su Fa’iza ya tonu har aka kawo hoton bidiyo dinta ranar daurin aurenta sannan a nuna wanene ya kawo.
Karkarewa:
Fim din ya yi kyau sannan akwai darasi amma wasu kalamai da akayi amfani da su sun yi tsauri dayawa ya kamata a sakaya yanda kowa zai iya kalla hatta kananan yara saboda an bude abubuwa ko don saboda tarbiyyar kananan yara.

Wasika Ga Mata Yan Siysa - Daga Sheikh Aminu Ibrahim Daurawa

Bayan gaisuwa da fatan alkhairi, ku shina iyaye mata, kuna da daraja kuma da kima, kuna da mutunci, a matsayinku na iyaye mata,
Mai yasa kuka yadda yan siyasa suke wasa da hankalinku domin biyan bukatun su na siyasa?
Mai yasa babu matan su ko yayansu a cikinku?
Mai yasa ba zasu kare muku mutunci ba, bayan kun taimaka musu sun ci zabe?
Mai yasa suke baku makamai da kwaya,? maimakon sana'a da aikin yi?
Mai yasa idan an gama zabe ba'a kara neman ku sai wani zabe ya kusa?
Mai yasa ba'a saka bukatun ku a gaba?
DON Allah mata ku kara tunani kufa iyaye ne na al'umma!