Mata sun fi maza bukatar wa'azi — Sheikh Kabiru Haruna Gombe

Babban sakataren kungiyar Jama'atu Izalatul Bid'ah Wa Iqamatus Sunnah (JIBWIS),Sheikh Kabiru Haruna Gombe, ya shaida wa BBC dalilin da ya sa ya ke yawan yin wa'azi a kan mata.
Malamin addinin ya bayyana hakan ne a yayin wata ziyara da ya kai wa BBC a ofishinmu da ke Landan ranar Alhamis
.
Ya ce ya fuskanci cewa an bar iyaye mata a baya kuma ba a cika mayar da hankali a kan wa'azin mata ba, a cewarsa.
Ya ce "ko da an yi wa'azi a kan matan, yawanci bai wuce a ce an rataye wata a wuta ba ko kuma malamancin haka, maimakon a tsaya a koyar da su koyarwar addinin Musulunci da kuma yadda za su bauta wa Allah Ubangiji Madaukakin Sarki."


Sheikh Kabiru Gombe ya ce wa'azantar da mace ko ilmantar da ita ya fi muhimmanci a kan na namiji, "domin ita mace makaranta ce guda saboda ita uwa ce kuma ita ce mai tarbiyantar da yara."

Ban taba ambaton Sheikh Dahiru Bauchi a wa'azina ba — inji Sheikh Kabiru Haruna Gombe

Babban sakataren kungiyar Jama'atu Izalatul Bid'ah Wa Iqamatus Sunnah (JIBWIS), Sheikh Kabiru Gombe, ya musanta cewa yana yawan ambaton sunan Sheikh Dahiru Usman Bauchi a cikin wa'azinsa.

Sheikh Kabiru Gombe ya bayyana hakan ne a yayin wata ziyara da ya kai wa BBC a ofishinmu da ke Landan a makon daya gabata, inda ya ce shi a tarihin rayuwarsa bai taba ambaton sunan Sheikh Dahiru Usman Bauchi ba a cikin wa'azinsa.

Malamin addinin ya ce, "idan akwai wanda ke da wani kaset na wa'azinsa da ya ambaci sunan malamin, to kofa a bude take ya fiddo da shi ya yada wa duniya."

"Hasali ma shi shaihin shi ke ma ambatarmu a cikin wa'azinsa, domin ya kira sunana dana mahaifina ba sau daya ba, ya kuma kira shugaban kungiyarmu da sunansa karara, har ma ya kan siffantashi da munanan siffofi wanda shi shugaban bai taba mayar masa da martani a kan hakan ba," in ji shi.

Jagoran Izalan ya ce "ita da'awa ta ahlul sunnah ba da'awa ce ta kiran sunaye ba."

A Yau Ne Halima Atete Take Bukin Zagayuwar Haihuwarta Shekara 29 A Duniya (kalli Hotuna)

Su Atete an fara girma...

A yau jaruma yar Maiduguri ta yi bikin zagayowar ranar haihuwar ta (shekaru 29 a cewar ta). Jarumar ta jima tana cewa ba zata kara shekara a harkar film ba amma gashi ta kara shekaru bata yi aure ba.

Sannar yanayin jikin ta baya taimakon ta; gashi de shekarun ta 29 kacal, amma mutane da dama suna ganin tafi haka.

Tun asali ma, bata so harkan fim saboda ta jima ba, hasali ma tace wa gida producing films take, kwatsam sai gata ta fara fitowa a jaruma.

To amma ta wani wuri ba ta da laifi saboda harkan film dadi gare ta, sannan a matsayin ta ta jaruma, ba ko wani irin mutum zata aura ba; dole ya zama yana da dan abun hanu, dole ya zama wayayye mai sassaukar ra'ayi da sauran su.

Yanda wannan budurwar ta ja ra'ayin wani musulmi ya koma addinin kirista

Yanda wannan zankadediyar budurwar ta ja ra'ayin wani musulmi ya koma addinin kirista

Wannan budurwar me suna Caramella Mou tayi ikirarin cewa wai ta mayar da wani musulmi kirista, tace mutumin yana tukin motar hayane, suka hadu har ta samu nasarar jan ra'ayinshi yabar addinin shi na musulunci zuwa addinin kiristanci.

Ta kara da cewa ya mata alkawarin ranar Lahadi zaije coci kuma zai taimaka a gina cocin.

Ta kuma ce akwai mutane da yawa da suke cikin bata kuma suna bukatar wanda zai iya jajircewa ya gaya musu gaskiya.
A karshe tayi kira ga 'yan uwanta mabiya addinin kiristanci da su mike tsaye domin aikin da ya kamata ace sunayi kenan (na mayar yiwa mutane wa'azi dan su koma addinin kiristancin).

Tun bayan data wallafa wannan labarai nata a dandalin sada zumunta da muhawara na Twitter, sai labarin nata ya dauki hankalin mutane akayi ta mayar da martani kala-kala.

DAN ALLAH TURA WANNAN LABARIN A FACEBOOK KO WHATSAPP

Wata Mata Ta Kashe Danta A Jihar Katsina

Wata Mata Ta Kashe Danta A Jihar Katsina

Wata matar aure ta hallaka danta ta hanyar shar da shi guba a lokacin da take ba shi ruwan sha, yaron dan wata daya da kwana goma ya gamu da ajalinsa ne ta hanyar shan guba da ya yi daga wajen mahaifiyarsa.

Matar mai suna Rabi’atu Nura mai shekaru 28 mazauniyar kauyen Mazoji daga karamar hukumar Mai’addua da ke jihar Katsina ta hallaka danta Kamaludden Nura mai kwanaki 40 kacal a duniya ta hanyar shayar da shi guba.

Matar ta bayyana cewar ta shayar da dan nata ne ta hanyar ba shi ruwan sha, daga bisani an harzatar da yaron zuwa asibitin Mai Addua domin ceto rayuwarsa kana aka sauya masa asibiti zuwa babban asibitin Daura bayan da jikin ya yi tsanani, dawo da yaron gida ne kuma yaron ya rasu da misalin karfe daya 1:00 na wannan ranar.

Rabi’atu ta ce a lokacin da take baiwa jaririn nata ruwan sha ashe hanunta akwai guba a jiki ba tare da ta sani ba. ta bayyana cewar kisan na jaririn nata bisa tsautsayi ne ba wai da gangan ta aikata ba. ta shaida cewar kuskure ne ya santa hakan ba wait a yi da gangan ba, a cewarta bata da wani matsala ko damuwa da jaririn.

Rundunar ‘yan sandan jihar dai ta sanar da kame matar aure, inda ta bayyana cewar tana ci gaba da gudanar da bincike kan lamarin, inda kuma za su ruhumeta da laifin kisan rai.

Dalilin da yasa yin wasan Hausa da yaren turanci keda muhimanci - jaruma Fati SU

Jarumar wasan Hausa Fati SU ta ce shawarar da abokan sana'ar ta suka yanke na yin shiri da yaran turanci abu ne mai muhimmanci kuma tayi maraba da hakan.

Fati ta bayyana haka ne yayin wata tattaunawa da gidan jaridar Premiumtimes ranar Asabar.

Fati ta ce "Na san ba wai turanci muka iya sosai ba amma idan muna yi shiri da turanci hakan zai bamu damar govewa da yaren ".
Da take yin tsokaci a kan rata ta fuskar kayan aiki da kamfanin shirya fina-finai na kudu da yayi wa kamfanin Kannywood, ta ce "Eh haka ne amma mu ma fa yanzu muna kokari kuma yin fina-finai cikin harshen turanci zai kara sada mu da manyan kamfanoni da suka fi mu gogewa kuma mu ma jaruman mu zasu fara samun kyauta daga kungiyoyin shirya fina-finai ta kasa".

Fati ta bayyana cewar su 'yan koyo ne da suke son kara fadada yada al'adar bahaushe ta hanyar yin shiri da yaren turanci. Yin hakan ma zai kara mana magoya daga dukkan kabilu daga fadin Najeriya.

Wata Mata Ta Kashe Danta A Jihar Katsina

Daga Khalid Idris Doya, Bauchi
Wata matar aure ta hallaka danta ta hanyar shar da shi guba a lokacin da take ba shi ruwan sha, yaron dan wata daya da kwana goma ya gamu da ajalinsa ne ta hanyar shan guba da ya yi daga wajen mahaifiyarsa.

Matar mai suna Rabi’atu Nura mai shekaru 28 mazauniyar kauyen Mazoji daga karamar hukumar Mai’addua da ke jihar Katsina ta hallaka danta Kamaludden Nura mai kwanaki 40 kacal a duniya ta hanyar shayar da shi guba.

Matar ta bayyana cewar ta shayar da dan nata ne ta hanyar ba shi ruwan sha, daga bisani an harzatar da yaron zuwa asibitin Mai Addua domin ceto rayuwarsa kana aka sauya masa asibiti zuwa babban asibitin Daura bayan da jikin ya yi tsanani, dawo da yaron gida ne kuma yaron ya rasu da misalin karfe daya 1:00 na wannan ranar.

Rabi’atu ta ce a lokacin da take baiwa jaririn nata ruwan sha ashe hanunta akwai guba a jiki ba tare da ta sani ba. ta bayyana cewar kisan na jaririn nata bisa tsautsayi ne ba wai da gangan ta aikata ba. ta shaida cewar kuskure ne ya santa hakan ba wait a yi da gangan ba, a cewarta bata da wani matsala ko damuwa da jaririn.

Rundunar ‘yan sandan jihar dai ta sanar da kame matar aure, inda ta bayyana cewar tana ci gaba da gudanar da bincike kan lamarin, inda kuma za su ruhumeta da laifin kisan rai.