LATEST POSTS 
Wannan fitacciyar yar wassan fina-fina- na masana’antar kannywood Rahama Sadau ta samu wani sabon daraja inda zata gabatar da bikin gane fitattu yan wasan masana’antar nollywood.
Rahama zata hada gwiwa da fittacen dan wasan masana’antar Nollywood Gbenro Ajibade wajen gabatar da bikin wadda wakana cikin watan Disemba a Jihar Ogun.
Fitacciyar jaruma ta samu yabo da dama daga wadanda suka shirya bikin BON award inda suka ce jarumar tana da basira kuma ta nuna cewa basirar ta a ko wani masana’anta take iya amfani da ita.
Jarumar ta nuna farin cikin ta game da wannan damar a shafinta na instagram tare da daura hotunan ta tare da abokin aikin ta na bikin.
Wani mai ruwa da tsaki na BON Award Seun Oloketuyi yace jaruman da zasu gabatar da bikin na wannan shekarar kwararru ne kuma suna da basirar gabatar da bikin kuma kowa zai yi farin ciki da haka.
BON Awards bikine wanda ake gudanar ko wani shekara domin gane yan wasan da suka fice ko wani shekara a masana’antar Nollywood.
Ita ma dai Rahama Sadau tana cikin yan takarar yan wasan (mata) da suka fice cikin wannan shekarar sanadiyar fitowar ta a shirin ‘TATU’.
Copy the link below and Share with your Friends:
About Clonebar BlogClonebar.com Is A Top Tech Blog That Provides Free And Cheap Browsing Cheats On Mtn, Etisalat, 9mobile, Glo And Airtel, Latest Phone And PC Updates, Tweaking Guides And Tech News.
No comments:
Post a Comment