LATEST POSTS 
Dr. Muhd Sani Umar
Addu’a A Asirce (1)
1. Allah (S.W.T) ya yabi Annabi Zakariyya (A.S) da cewa, ya roƙi Allah a asirce, yana mai cewa, (Lokacin da ya kira Ubangijinsa ya roƙe shi a asirce). Wannan ya nuna mahimmancin yin addu’a a asirce.
2. Yin Adda’a a asirce ita ce al’adar magabata na ƙwarai cikin wannan al’umma, Alhasan Al-Basri yana cewa, “Musulmai sun kasance masu matuƙar ƙoƙarin roƙon Allah, amma ba a jin su suna daga muryoyinsu wajen addu’a, suna yin ta ne da murya ƙasa-ƙasa, saboda Allah yana cewa, (Ku roƙi Ubangijinku cikin ƙasƙantar da kai da sussauta murya). [Al-A’raf, aya ta55”].[Ibnul Mubarak, Azzuhud, #140].
3. Allah ya yi umarni da a roƙe shi da murya ƙasa-ƙasa, kamar yadda ya gabata, domin yin haka ya fi nuna ikhalasin bawa da ƙasƙantar da kansa ga Allah.
4. Don haka yin gangamin addu’a abu ne da ba shi da madoga a cikin aikin magabata, in ban da a cikin ibadu da aka san ana yin su ne cikin jama’a, kamar addu’ar shayar da ruwa ko kusufin Rana da Wata, ko addu’ar alƙunut ko addu’ar liman a kan minbarin juma’a da makamantansu wadanda nassi ya zo da su.
Sources:darulfatawa.com
Copy the link below and Share with your Friends:
About Clonebar BlogClonebar.com Is A Top Tech Blog That Provides Free And Cheap Browsing Cheats On Mtn, Etisalat, 9mobile, Glo And Airtel, Latest Phone And PC Updates, Tweaking Guides And Tech News.
No comments:
Post a Comment