Catalonia ya amince da shirin ballewa daga Spain

Shugaban yankin Catalonia Carles Puigdemont ya ce, yankin ya amince da shirin ballewa daga kasar Spain bayan kashi 90 cikin 100 na masu kada kuri'a a zaben raba gardama sun goyi bayan matakin ballewar.
Shi dai Carles Puigdemont na bayyana wannan matsayi ne bayan an kwashe jiya ana arangama tsakanin masu goyan bayan shirin zaben raba gardamar da jami’an tsaro.
Jordi Turull mai magana da yawun gwamnati ya ce, mutane sama da miliyan 2 suka kada kuri’a wanda ya kai sama da kashi 42 na masu zabe a yankin.
Akalla mutane 92 suka samu raunuka daga cikin mutane 844 da suka bukaci kulawar likita, yayin da hukumomin yankin suka ce, 'yan sanda 33 suka jikkata.
Tashin hankalin ya dada zafafa tankiyar da ake ciki a kasashen waje da kuma tsakanin gwamnatin Firaminista Mariano Rajoy da na yankin Catalonia.
Rajoy wanda ya bayyana zaben a matsayin haramtacce ya ce, jami’an tsaro sun yi nasarar dakile shi duk da arangamar da aka yi ta samu.
Kungiyoyin kwadago da masu zaman kansu sun kira yajin aikin gama-gari daga gobe Talata saboda abin da suka kira take musu hakkokin su.

Share On:

Facebook Twitter WhatsApp Google+ Pinterest

Copy the link below and Share with your Friends:

Download Our Official Android App on Google Playstore HERE
OR
Download from another source HERE

Subscribe to our posts and be the first to receive email updates.

About Clonebar Blog
Clonebar.com Is A Top Tech Blog That Provides Free And Cheap Browsing Cheats On Mtn, Etisalat, 9mobile, Glo And Airtel, Latest Phone And PC Updates, Tweaking Guides And Tech News.